denetarik

Batzuetan gertatzen dira bat-bateko erditzeak kale erdian, denda batean, autobusean edo beste edozein tokitan. Bolivian Elizabeth Rojasi gertatu zaiona horietako kasu bat da, baina berezitasun txiki batekin.

Emakume honek bere haurra treneko bagoian eduki zuen, ondorioz, Empresa Ferroviaria de Orientek bizitza osorako bidaiari egin du.

Amak esan duenez gaizki kalkulatu zituen ernaldi hilabeteak eta hilabete bat falta zitzaion haurra jaiotzeko, baina Santa Cruzko Roboré estaziora iristeko 14 kilometro falta zirenean, erdiminak hasi zitzaizkion.

Baina zorionez, filmetan gertatzen den bezala, trenean bidaiatzen ari zen mediku batek lagundu zion erditzen, beste bidaiari batzuekin batera, eta dena oso ondo atera zen, inongo zailtasunik gabe.

Trenen enpresako komunikazioko arduradunak, Anjel Sandovalek, esan du umeak trenean bidaiatzeko sarrerak dohain izango dituela betiko. Horrez gain, amak umearentzako gurditxo bat, sehaska bat eta beste hainbat produktu jaso zituen.

Horrela ikusita trenean umea edukitzea ez dago batere gaizki, oso merke ateratzen da!!

Informazio gehiagorako egin klik hemen.

Zuei ez al zaizue inoiz gertatu gauzen bat asmo batekin erostea eta diru pilo bat ordaindu ondoren etxean irekitakoan horretarako balio ez duela konturatzea?

Ba Japonian antzeko zerbait gertatu da, baina okerragoa. Ehunka pertsonei ardiak saldu dizkiete canicheak balira bezala. Iruzurra jasan duen jendeak azken moda zelakoan 1600 dolarretan erosi dituzte “canicheak”. Artalde osoak bidali dituzte Erresuma Batutik eta Australiatik Japonen salduak izateko.

Denbora askoan iruzurra egin ondoren, azkenean Japoniako Maiko Kawamati aktoresa famatua jabetu zen bere animalia berria ez zela txakurra. Oso arraroa egiten zitzaion bere txakurrak zaunkarik ez egitea eta animalia hauentzako janaria nahi ez izatea, hemendik konturatu zen egia guztiaz.

Hori ikusi eta gero emakume askok deitu zioten poliziari beraiek ere ardiak zituztela esanez. Poliziak 2000 pertsona baino gehiagok jasan dutela iruzurra pentsatzen du eta orain ikertzen ari dira.

Ia ardi guztiak zooetara emanak izan dira.

Ez da oso normala bi animalia hauek ez desberdintzea, baina moda tartean dagoenean…

Informazio gehiagorako egin klik hemen.

Orain arte hainbat bitxikeria kontatu dizkizuegu. Oraingoan mende osoko asmakizunik onena izan daitekeen alkandora bitxi bati buruz hitz egingo dizuegu.

Hamaika ikusteko jaioak gara! Gehienetan kaleratzen dituzten tresna guztiak USB-arekin datoz: jostailuak, memory sticks-ak, telefonoak… egia esan, ia edozein gauza konektatu daiteke USB-ra, gutxien espero duzuna ere bai!

Eta noski, orain ere ez da gutxiago izango, azkenik iritsi zaigu Bentilaziodun alkandora. Egun bero eta izerditsuetarako, nori ez litzaioke gustatuko horrelako alkandora bat beroa duzun momentuan fresko sentitzeko?

Alkandora honek gure gorputza freskatzen du bere barnean dituen bere bi bentiladoreei esker, hauetako bakoitza alkandoraren atzealdean aurkitzen da bere bentilazioa ondo eta segurua izateko. Gainera, ez baduzu USB-rako konexiorik gertu, AA-ko lau pila erabil ditzazkezu freskatzeko. Autoko zigarroen entxufean ere konektatu dezakezu alkandora hau. Ba al da gauza errazagorik?

Ez dago batere gaizki, batez ere, asko izerditzen duzun horietakoa bazara. Orain ez duzu aitzakiarik fresko ez egoteko, alkandorak gustatzen bazaizkizu behintzat.

Argazkia hemen aurkitu dugu.

Informazio gehiago nahi baduzue, egin klik hemen.

Maite duzun norbaiten oroitzapena edukitzea. Helburu honekin, Irisgem izeneko Sevillako enpresa batek mundu osoan zehar gizakien ilez lortutako diamanteak egiten dituen proiektu bat zabaldu du.

Ez badakizue ere, diamanteak karbono purua dira eta giza ilearen %45 edo %50 karbonoa da, beraz, posiblea da bitxi hauek egitea.

Bat edo bi gramo ile behar da. Prozesua, nolabait esateko, erreza da eta lau pauso nagusitan egiten da:
Lehenik ilea labe batean 1.500º C-tan erretzen da.
Gero geratzen den hautsa dena lodiera berean geratu arte txikitu egiten da.
Ondoren hauts hau 45.000 atmosferako presiopean dagoen kapsula batean sartzen da eta 14 edo 15 egunetara hautsa diamante forman irteten da.
Azkenik diamante hau Belgikara bidaltzen da, bertan landua izateko.

Prozesu honen bitartez lortutako diamantea minetan lortutakoaren kalitate eta xahutasun berekoa da. Afrika hegoaldean dauden diamanteei buruzko gatazkak konpontzeko era ere izan daiteke.

Hauen prezioa 1.225€ eta 13.860€-ren bitartean dago, zenbat kilate dituen kontuan hartuta. Oso prezio eskurakora da, batez ere harri bitxi honek merkatuan daukan prezioagatik. Gainera kolore desberdinetan aurki daiteke, adibidez, berdea, horia edo urdina.

Clara Camposek Cinco Díasen dioenez proposamen honen onarpena bikaina izan da, Espainiako beste enpresa batzuekin akordioa sinatzeko punturainokoa. Hortik firma merkatu internazionalean zabaltzea erabaki da, negozio oportunitatea bidertu egiten da.

Irisgem-ek Estatu Batuak,Japonia, Belgika, Frantzia, Alemania eta Italia ditu destino potentzial bezala epe motzean bere proiekzio internazionalean, baina enpresak mundu osora iristea espero du ideia honekin.
Badaude beste firma batzuk errautsekin diamanteak egiten dituztenak, baina Irisgem lehena izan da giza ilearekin egiten.

Informazio gehiagorako egin klik hemen edo hemen.

Bermudetako triangelua, edo baita Deabruaren triangelua edota galduen Linboa, 3.900.000km karratu dituen area geografiko bat da, Bermudas irlak, Puerto Rico eta Melbourneren artean kokatua.

Triangelu famatu honetan misterioz itsasontzi, hegazkin eta pertsona asko desagertu dira. Desagerpen arraro eta famatuenetako bat, Gran Turco irlatik Bahamasetara egindako bidai motza da.

Bidai honetan hau gertatu zen: Helen Cascio, pilotu espezializatua, bere hegazkina pilotatzen irlara iristen ari zen. Kontrol dorreak instrukzioak errazten zizkion. Askotan konektatu ondoren, horietako batean, Helenek ez zuen erantzun, baina radioko kanala irekia zegoen. Dorreko operadoreak pilotua bere bidaiari bakarrari hau esaten entzun zuten: “maniobra faltsuren bat egingo nuen. Hau Turco izan behar litzateke, baina hor ez dago ezer. Ez dago aireporturik. Ez dago etxerik. Ez dago ezer…”

Kontrolatzaileak behin eta berriro Helenekin konektatzen saiatu ziren, baina pilotuak ez zien entzuten. Geroago, entzungo zuten azken esaldia entzun zuten: “- Ezin al daiteke hemendik atera?”

Ez da inoiz hegazkinaren, pilotuaren edo bidaiariaren arrastorik aurkitu.

Ikertzaileek desagertze arraro hauen esplikazio ugari eman dituzte: batzuk, pirata modernoek bahitu dituztela diote; beste batzuk, ozeanoko area honen azpian zurrunbilo edo zulo bat dagoela diote; badaude beste hainbat, Bermudetako triangeluaren azpian Atlantidaren zati batzuk geratzen direla esaten dutenak, eta honen erruz hegazkinak, itsasontziak eta abar desagertzen direla.

Hauez gain badira beste batzuk, estralurtar gaizto eta oker batzuk magnetismo kanpoa trabatu, eta gizakiak harrapatzen dituztela beraien esperimentuetarako esaten dutenak ere.

Zona honetan desagertze askoren berri eman bada ere, bertan topatu diren gauzen berri gutxiago eman da. Adibidez, 1975eko uztailan, Jim Thornek, ikertzaile ozeaniko talde bateko kideak atera zuen argazkian, triangeluaren gainaldean ekaitz elektriko bat ikusten zen. Errebelatutako pelikula ikustean, zur eta lur geratu zen gauza karratu batzuk ikustean, bere itsasontzitik gutxi gora-behera 100 miletara. Baina berak oso ondo zekien gau hartan ez zegoela itsasontzirik inguruetan.

Hau gertatu zenetik, 50 barku eta 20 hegazkin desagertu dira denera.

Urperatze teknikak hobetzen direnean, seguruenik urperatutako itsasontzi gehienak aurkituko dituzte, baina baita ere gerta daitekeena da, Bermudetako misterioa gure imajinazioetan gelditzea betiko.

Informazio gehiagorako klikatu hemen.

Denok dakigun bezala, unibertsitatean 18 urterekin sartzen da. Guztiak ez dira unibertsitatetik gustora ateratzen, beti egoten da gai zairenbat ezta?

Beraz unibertsitateetan adin askotako jendea ikus dezakegu, 18urtetik 30urtera bitarte asko jota. Unibertsitatean oso arraroa eta oso zaila umeren bat egotea da, zuei ez al zaizue arraroa iruditzen 11urteko mutil bat unibertsitatera joatea?

Baina bizi honetan dena posible denez, nahiz eta guri ez iruditu, Mexikon 11urteko Horacio Garcia, Hidalgo unibertsitatean ari da geologia ikasten. Hori bakarrik ez, lehen hezkuntzako klaseetara ere joaten da!

Horacio familia pobre batean jaio zen, baina jaso dituen laguntzei esker, bere ikasketak garatu nahian dabil. Hori dela eta, astelehen eta asteazkenetan unibertsitatera joaten da.

Informazio gehiago hemen.

Zuek erabilitako zapatila batzuk 14.500€tan erosiko al zenituzke? Txinan horrelako salerosketa egin dute, enkante batean. Negozio ona dirudi ezta?

Oinetako hauek Lui Xiang Txinako atleta ospetsuarenak ziren, baina ez gara gu harrituta geratu garen bakarrak, bera ere ala geratu baitzen eta.

Berak erosi edo oparitutako zapatila hauek askotan erabili eta zahartu ostean, zapatila hauek oso errentagarriak izan dira.

Lui Xiang-ek jasotako 14.500€ak helburu goraipagarria izango dute atleta minduentzat eta urritasuna dutenentzat joango baitira.

Benetan harrigarria eta sinestezina albiste bitxi hau! Joshua S. Hanson izeneko gizonezko bat gutxi gorabehera 90metroko altueratik erori da, eta duen zauririk larriena eskuineko hanka puskatzea izan da! Nork esango zuen halakorik…

Dirudienez, 29 urteko gaztea etxera itzuli zen bi lagunekin parrandan ibili ondoren. Igogailuan 17. pisura igo ondoren, golpe batekin kristal bikoitzeko leiho bat hautsi, eta behera amildu zen.

Hanson zabaltza faltsu baten gainera erori zen eta ospitalera eraman zutenean medikuak aho bete hortz geratu ziren bere zauririk larriena zein zen ikusita.

Sinestezina badirudi ere, gazte honi gertatutakoa egia da, batzuetan, gutxietan, horrelako mirariak gertatzen dira!

Ba al zenekiten, pertsona batek urte bat lau hilabete eta bost egun igarotzen dituela bataz beste komunean? Zergatik ez dugu toki hori atseginagoa egiten?

A.E.B.-etako enpresa batzuk lanean hasi dira toki hau aspergarria izan ez dadin. Kaliforniako enpresa batek merkaturatu berri du oso komun bitxi bat. Ur-gordailua arrain-ontzi batengatik aldatu dute.

“Fish’n Flush” sistema komun-ontzi berezia da. Aurrealdean arrain-ontzi bat du atzeko ur-gordailua estaltzen duena.

Gainera, airrainak ez badituzu gustuko, akuarioak beste animalia batzuk sartzeko aukera ematen dizu…

Sekretua zein den jakin nahi duzu? Egia esan ez da beste munduko ezer. Ur gordailu hau material akrilikoaz egina dago. Hala ere, gure ustez onena, animali denda batera joatea da gustuko duzun maskota hori egokia den jakiteko…

Ez da ideia txarra, ezta? Ba interesatuta bazaudete jakinarazten dizuegu interneten dagoela erosgai eta 299 dolarreko salneurria du.

-Aitatxo, nolakoak dira mozkorrak?
- Ba begira, alabatxo, ikusten dituzu hango bi zuhaitz haiek? Ba mozkorrek lau ikusten dituzte bi dauden tokian.
-Baina, aitatxo, han zuhaitz bakarra dago eta.